ઉલ્લેખનીય છે કે, સ્વામિનારાયણ મંદિર દ્વારા નરનારાયણ દેવ દ્વિશતાબ્દિ મહોત્સવની ઉજવણી અંતર્ગત મિરજાપર ખાતે વિશાળ બદ્રીકાવનનું નિર્માણ કરાયું છે. આ ઉજવણીમાં દેશ દુનિયાભરમાંથી લાખ્ખો હરિભક્તો ઉમટી પડવાનો અંદાજ છે.

♦ભુજ આવવા ઈચ્છતાં વાહનચાલકોએ મિરજાપર ભોલેનાથ પેટ્રોલ પંપથી મિરજાપર નાકામાંથી ગામમાં પ્રવેશ કરી ચંગલેશ્વર મહાદેવ મંદિર, રીલાયન્સ સર્કલવાળા રસ્તે આવવાનું રહેશે

♦લખપત, દયાપર, નલિયા, નખત્રાણાથી આવતા વાહનચાલકોએ માનકૂવાથી કોડકી ગામમાં થઈ રતિયા પાટિયાથી કોડકી ચાર રસ્તા (એરપોર્ટ રીંગ રોડ) થઈ ભુજમાં પ્રવેશવાનું રહેશે

♦માંડવી તરફથી આવતા વાહનચાલકોએ નારાણપર ત્રણ રસ્તા થઈ હાઈલેન્ડ, ભારાપર સેનેટોરિયમ થઈ રીલાયન્સ સર્કલથી ભુજમાં પ્રવેશવાનું રહેશે

♦મુંદરાથી નખત્રાણા જવા માટે મુંદરાથી આવતાં જતાં વાહનો ભારાપર સેનેટોરિયમથી હાઈલેન્ડ થઈ ખત્રી તળાવ થઈ માવજી તલાવડી થઈ ભારાપર થઈ માનકૂવાથી નખત્રાણા કે નલિયા તરફ જઈ શકશે

♦માંડવીથી નખત્રાણા જવા માટે માંડવીથી આવતાં જતાં વાહનો માટે માવજી તલાવડી થઈ ભારાસર થઈ માનકૂવા થઈ નખત્રાણા નલિયા તરફ જઈ શકશે

♦માંડવી તરફથી આવતા ભારે વાહનો નારાણપર ત્રણ રસ્તા થઈ હાઈલેન્ડ, સેનેટરી (ભારાપર) થઈ રીલાયન્સ સર્કલ, જિલ્લા ઉદ્યોગ કેન્દ્ર સર્કલ થઈ નળવાળા સર્કલ થઈને ગાંધીધામ ભચાઉ તરફ જઈ શકશે

♦પાન્ધ્રો, દયાપર, હાજીપીરથી ગાંધીધામ કે ભચાઉ આવતાં જતાં ભારે વાહનોએ વિરાણી ગામ થઈ દેવીસર થઈ નિરોણા થઈ લોરિયા ચેકપોસ્ટ થઈને છત્રીસ ક્વાર્ટર ચાર રસ્તા થઈ નળવાળા સર્કલથી જવાનું રહેશે

♦નલિયા, નખત્રાણાથી ભચાઉ ગાંધીધામ આવતાં જતાં ભારે વાહનોએ માનકૂવા થઈ ભારાસર થઈ ખત્રી તળાવ, હાઈલેન્ડ, સેનેટોરિયમ થઈ રીલાયન્સ સર્કલ, જિલ્લા ઉદ્યોગ કેન્દ્ર સર્કલથી નળવાળા સર્કલ થઈને ગાંધીધામ-ભચાઉ જવાનું રહેશે.

♦સરકારી ફરજ પરના વાહનો, પોલીસ ખાતાના વાહનો, પોલીસે અધિકૃત કરેલાં વાહનો, ફાયર ફાઈટરો અને એમ્બ્યુલન્સ જેવા વાહનો પર આ પ્રતિબંધ લાગુ થશે નહીં.