આ મામલે કોંગ્રેસે પોલીસને એક્શન લેવા લેખિતમાં આગોતરી જાણ કરેલી પરંતુ પોલીસે કોઈ પગલાં લીધા નથી. ભાજપને આવો કાર્યક્રમ કરવા માટે અને કોંગ્રેસ પક્ષને બદનામ કરવા માટે ખુલ્લી છૂટ આપવામાં આવી તે ગંભીર બાબત હોવાનું જણાવતા હુંબલે દરેક તાલુકામાં થયેલા પૂતળા દહનના વીડિયોના આધારે સંબંધિતો સામે ગુનો દાખલ કરવામાં આવે.

હુંબલે આરોપ કર્યો કે જ્યારે કોંગ્રેસ આવા પૂતળા દહનના કાર્યક્રમોનું આયોજન કરે ત્યારે પોલીસ તરત પહોંચી જઈને પૂતળાદહન કરવા દેતી નથી, કોંગ્રેસ કાર્યકરોની ધરપકડ કરી ગુનો નોંધે છે. આમ, પોલીસ વિભાગ તરફથી ભાજપને ખુલ્લી મદદ મળી રહી છે.

જે રીતે ભાજપના આગેવાનો હોદ્દેદારોને દરેક તાલુકા મથકે પૂતળાદહન કર્યું તે જોતા તેમને છૂટ અપાઈ હોવાનું જણાય છે. શું પોલીસ કોંગ્રેસને પણ નરેન્દ્ર મોદી, અમિત શાહ કે હર્ષ સંઘવીના પૂતળાદહન માટે છૂટ આપશે? કે પછી અમારો પક્ષ કાયદો હાથમાં લઈ આવું કરી શકે છે? તેવો પ્રશ્ન કરીને હુંબલે જણાવ્યું છે કે જેમણે આવા કાર્યક્રમો કર્યા હોય તેમની સામે ગુનો નોંધી કાર્યવાહી કરી પોલીસ પાસેથી તટસ્થ કામગીરીની અપેક્ષા રાખવામાં આવે છે. આ મામલે પૂર્વ અને પશ્ચિમ કચ્છના એસપી તથા રાજ્યના પોલીસ વડા સમક્ષ પણ રજૂઆત કરાઈ છે.