ગત ચોથી ઓક્ટોબરની સાંજે એસએમસીએ દરોડો પાડીને ૪.૬૩ લાખ રોકડાં, ૮ કાર અને ૬ દ્વિચક્રી વાહનો, ૧૫ મોબાઈલ ફોન સહિત ૫૩.૫૧ લાખની કિંમતના મુદ્દામાલ સાથે ૧૨ ખેલીઓને પકડેલાં. દરોડા પૂર્વે સલમા અને તેના અન્ય બે પાર્ટનર રેહાનો લિસ્ટેડ બૂટલેગર ગુલાબ ખેતુભાઈ જાડેજા અને કોટડા (ચ)નો પપ્પુ જાડેજા સહિત અન્ય કેટલાંક ખેલીઓ નાસી છૂટેલાં.

સલમાના વકીલે કૉર્ટમાં વિવિધ મુદ્દે રજૂઆત કરીને જણાવેલું કે તે સમાજમાં સારી નામના ધરાવે છે, અટક થાય તો સમાજમાં બદનામી થાય તેમ છે. સરકારી વકીલ ડી.જે. ઠક્કરે અરજી ફગાવી દેવા રજૂઆત કરતાં જણાવેલું કે સલમાનું નામ આવા જ બે કેસમાં અગાઉ અંજાર પોલીસના ચોપડે ચીતરાયેલું છે.

ગુનો નોંધાયો ત્યારથી પોલીસથી નાસતી રહીને તપાસમાં સહકાર આપતી નથી.

સેશન્સ જજ દિલીપ મહિડાએ પણ ઉપલબ્ધ રેકર્ડ અને બંને પક્ષની દલીલો સાંભળી અરજી ફગાવતાં જણાવ્યું કે આ ગુનામાં તે સૂત્રધાર જણાય છે, પ્રથમથી જ એફઆઈઆરમાં તેનું નામ છે, ગુનાહિત ભૂતકાળ ધરાવે છે.