મરણ જનાર હનીફ સમા અને આરોપી સુરેશ જોગી વચ્ચે પૈસાની લેતી-દેતી મામલે બોલાચાલી અને મારઝૂડ થયેલી. જેથી સુરેશ ત્યાંથી જતો રહેલો અને થોડીકવાર બાદ હાથમાં ધોકો લઈ આવી હનીફને ધોકો મારતાં હનીફ સ્થળ પર ઢળી પડ્યો હતો. સુરેશ પણ આશાપુરાનગરનો રહેવાસી છે. રાત્રે હનીફ તેના મિત્ર અનિલ રાજગોર અને સુરેશ પાસે ઘર નજીક બેઠો હતો.

હત્યા જેવા ગંભીર ગુનામાં પોલીસે તત્કાળ આરોપીની ધરપકડ કરી લીધી તે બાબત ખૂબ સરાહનીય છે. પોલીસે પ્રેસનોટમાં નાણાંની લેતી-દેતીનું કારણ જણાવ્યું છે પરંતુ તે અંગે કોઈ વિશેષ ફોડ પાડ્યો નથી.

પ્રેસનોટમાં લખ્યું છે તેવું યાદ કરાવ્યું તો કહે ‘હા, હનીફે સુરેશ પાસે વાપરવા માટે બસ્સો-પાંચસો રૂપિયા માંગેલા એટલે ઝઘડો થયેલો’ હનીફે સુરેશ પાસે ચોક્કસ કેટલાં રૂપિયા માંગેલા? શું હનીફ સુરેશ પાસે અગાઉ આપેલા નાણાંની ઉઘરાણી કરતો હતો? વગેરે  મુદ્દે પ્રશ્ન પૂછતાં લાખણોત્રાએ એ જ જવાબ આપી ફોન કટ કરી દીધો કે ‘તપાસ ચાલું છે, કાલે રૂબરૂ આવજો’ સૌરભ સિંઘ અને રેન્જ આઈજી મોથલિયા જેવા ડેશિંગ ઑફિસરોની ટ્રાન્સફર બાદ કચ્છમાં કાયદો અને વ્યવસ્થાની પરિસ્થિતિના કેવા હાલ છે તે આવી ઘણી બધી ઘટનાઓ પરથી કળી શકાય છે.