૭મી જૂલાઈથી જેલમાં ફીટ થયેલા અઝહરે ભુજની વિશેષ કૉર્ટમાં જામીન અરજી કરેલી. જો કે, અઝહર સામે ૨૦૨૦થી ૨૦૨૫ દરમિયાન ૨૦થી વધુ ગંભીર ગુના દાખલ થયેલા હોવાના ગુનાહિત ભૂતકાળ સહિત ગુનામાં તેની સક્રિય સંડોવણી અંગે વિસ્તૃત દલીલો કરીને જિલ્લાના મુખ્ય સરકારી વકીલ એચ.બી. જાડેજાએ તેની જામીન અરજી ફગાવી દેવા રજૂઆત કરી હતી. આરોપી સામે નોંધાયેલો ગુનો ગંભીર હોવાનું તેમજ જામીન પર છૂટે તો સાક્ષીઓને ધાક ધમકી કરી શકે અથવા પુરાવા સાથે ચેડાં કરી શકે તેવી સંભાવના દર્શાવીને વિશેષ જજ દિલીપ મહિડાએ અરજી ફગાવી દીધી છે.