ભુજના સુરલભીટ્ટ રોડ પર અંજલિનગર પાસે રહેતા ૨૨ વર્ષિય ઈર્શાદ સાલેમામદ સુરંગીએ પોલીસ ફરિયાદમાં જણાવ્યું કે શનિવારે રાત્રે તેની ફોઈનો દીકરો સાહિલ મીઠુ સના (રહે. ગાંધીનગરી, ભુજ) બાઈક લઈને તેના ઘેર આવેલો. બેઉ જણ ભુજની લટાર મારવા નીકળ્યાં હતાં. સંજોગનગરમાં જત ટી હાઉસ પર બે વાગ્યા સુધી બેસીને બેઉ પરત ઘરે જવા નીકળેલાં. રસ્તામાં ઈમામના ઓટલા સામે મુસ્તફાનગરવાળી શેરી પાસેથી પસાર થઈ રહ્યાં હતા ત્યારે અભુ ઊર્ફે ચક્રી ઈસ્માઈલ સમેજા, તેનો ભાઈ મોહિન અને એક અજાણ્યો તાપણું સળગાવીને બેઠાં હતાં.

આ ઝઘડાનું કારણ આગળ ધરીને મોહિને ‘મોટા પીરના મેળામાં થયેલા ઝઘડા વખતે તમને છોડી દીધેલાં, હવે શું કરવા આવ્યાં છો?’ કહી ગાળો ભાંડીને ઝઘડો શરૂ કરેલો.

ગંભીર ઈજાથી સાહિલ સ્થળ પર ફસડાઈ પડ્યો હતો. થોડીકવાર બાદ ઈર્શાદ ફરી ત્યાં આવ્યો હતો અને અહીંથી પસાર થતા સાહિલના રીક્ષાચાલક મિત્ર કરીમ ત્રાયાની રીક્ષામાં તેને હોસ્પિટલે પહોંચાડ્યો હતો. મોડી રાત્રે સાહિલને ગંભીર હાલતમાં ભુજની અન્ય ખાનગી હોસ્પિટલમાં ખસેડાયો હતો. સાહિલના માથામાં બે બાજુ હેમરેજ થઈ ગયું છે અને હાલ તે બેહોશ છે. પોલીસે હત્યાના પ્રયાસ સહિતની કલમો તળે ગુનો નોંધીને તપાસ હાથ ધરી છે.