મરણ જનાર વિજયકુમાર ખીમજી ચૌહાણ (રહે. રાઘવ રેસિડેન્સી, અંજાર) પશ્ચિમ કચ્છમાં હથિયારી હેડ કોન્સ્ટેબલ તરીકે માતાના મઢ ખાતે વાયરલેસ ઓપરેટર તરીકે કામ કરતાં હતાં. હત્યારા સુનીલ નારણ મહેશ્વરી (૧૯) સાથે મૃતકને ઘટનાના એકાદ માસ અગાઉ નજીવી બાબતે બોલાચાલી થયેલી. એ જ રીતે, હત્યાના ચારેક દિવસ અગાઉ સવાશેર બગીચામાં સુનીલ થૂંકવા જતાં થૂંક ઉડીને વિજય ચૌહાણના શર્ટ પર પડતાં બેઉ વચ્ચે બોલાચાલી થયેલી. તે સમયે સુનીલે વિજય ચૌહાણને જોઈ લેવાની ધમકી આપેલી.

બનાવ અંગે પૂર્વ કચ્છ પોલીસ દળમાં ફરજ બજાવતા વિજયના નાના ભાઈ અશોક ચૌહાણે અંજાર પોલીસ મથકે ઈપીકો કલમ ૩૦૨ અને જીપી એક્ટ ૧૩૫ હેઠળ ફરિયાદ નોંધાવી હતી. ધરપકડ થઈ ત્યારથી સુનીલ જેલમાં છે. તેની વિરુધ્ધ અંડર ટ્રાયલ પ્રિઝનર તરીકે કેસ ચાલ્યો છે.

આ કેસમાં મદદનીશ સરકારી વકીલ આશિષ પી. પંડ્યાએ ટ્રાયલ દરમિયાન ધારદાર દલીલો કરી તહોમત પૂરવાર કરીને સજા અપાવવામાં મહત્વની ભૂમિકા ભજવી છે.