આડેસરના રેવન્યૂ સર્વે નંબર ૬૦૧ પૈકી ૨વાળી ૨ હેક્ટર ૪૭ આરે ૮૭ ચોરસ મીટર જમીન હરીશ કાન્તિલાલ પૂજ (રહે. મૂળ ચિત્રોડ, હાલે. મુંબઈ) અને તેમના બહેન જયશ્રીબેન (રહે. મુંબઈ)ના નામે નોંધાયેલી છે. આ જમીન પરથી લાકડીયા બનાસકાંઠાની વીજલાઈન પસાર થતાં  ૨૦૨૧માં ભચાઉ નાયબ કલેક્ટરે નુકસાન વળતર ચૂકવવા હુકમ કર્યો હતો.

જેમાં હરીશ અને જયશ્રીના નામની ખોટી ઓળખ આપી સાક્ષી તરીકે આડેસરના ભલાભાઈ વસાભાઈ ભરવાડ અને આશિષસિંહ રામનારાયણસિંહ (રહે. મઉં, યુપી)એ સહીઓ કરી હતી. વળતરની રકમ ઓળવી જવાના આશયથી કરસને આખું ષડયંત્ર રચેલું.

મુંબઈ સ્થાયી થયેલાં હરીશે આ ષડયંત્ર સામે લડવા માટે દિનેશભાઈ મહેતાને પાવર ઑફ એટર્ની લખી આપેલી. દિનેશભાઈએ આ મામલે રાપર જ્યુ. મેજિસ્ટ્રેટ કૉર્ટમાં ફોજદારી તપાસ અરજી દાખલ કરેલી. કૉર્ટે આ મામલે પોલીસને ફોજદારી ફરિયાદ નોંધી તપાસ કરવા હુકમ કર્યાં બાદ આડેસર પોલીસે કરસન મકવાણા, ભલાભાઈ ભરવાડ અને આશિષસિંહ સહિત તપાસમાં જેની સંડોવણી નીકળે તેમની સામે ગુનાહિત કાવતરું રચીને બોગસ આધાર દસ્તાવેજો મારફતે જમીનની વેચસાટ કરીને છેતરપિંડી કરવા સહિતની કલમો તળે ગુનો દાખલ કર્યો છે.