જેના આધારે ગુજરાત રાજ્ય ત્રાસવાદ વિરોધી દળ (એટીએસ), નાર્કોટીક્સ કંટ્રોલ બ્યૂરૉ (એનસીબી) અને ભારતીય નૌકાદળે હાઈ સીમાં ‘સાગર મંથન- ૪’ કોડ નેમથી સંયુક્ત ઓપરેશન હાથ ધર્યું હતું. જેવી આ શંકાસ્પદ બોટ ભારતીય જળસીમામાં ઘૂસી કે તેને ઓળખી પાડી ઝડપી લેવાઈ હતી. બોટમાં સવાર ૮ ઈરાની શખ્સોની પણ અટક કરાઈ છે.

બોટ અને નાગરિકોને પોરબંદર ખાતે લઈ જવાયાં છે. આ મહત્વના ઓપરેશન અંગે કેન્દ્રીય ગૃહ મંત્રી અમિત શાહે ટ્વિટ કરીને ઓપરેશનમાં સામેલ એજન્સીઓની પીઠ થાબડી સરકાર નશામુક્ત ભારતના સંકલ્પને સાકાર કરવા પ્રયત્નશીલ હોવાનું જણાવ્યું છે. ઉલ્લેખનીય છે કે, વર્તમાન વર્ષે ઓપરેશન સાગર મંથન હેઠળ આ બીજું મહત્વનું ડ્રગ્ઝ કન્સાઈન્મેન્ટ ઝડપાયું છે. અગાઉના ત્રણ ઓપરેશનમાં ૩૪૦૦ કિલો ડ્રગ્ઝ, ૧૧ ઈરાની અને ૪ પાકિસ્તાની ડ્રગ્ઝ પેડલરો ઝડપાઈ ચૂક્યાં છે.