શુક્રવાર અને શનિવારની રાત્રે ત્રણ વાગ્યાથી સાડા પાંચ વાગ્યાના અરસામાં અજાણ્યો હરામખોર બી-ટૂ કોચમાં પ્રવાસ કરી રહેલી વૃધ્ધ મહિલાએ માથા પાસે રાખેલું પર્સ ચોરીને ગાયબ થઈ ગયો હતો.

ચોથી ઓક્ટોબરે કચ્છ એક્સપ્રેસમાં ભુજથી ગાંધીધામ વચ્ચે પ્રવાસીની નજર ચૂકવીને અજાણ્યો શખ્સ લેપટોપ, ચાર્જર સહિતની ૪૦ હજારની કિંમતની બેગ ચોરીને ગાયબ થઈ ગયો હતો. આ અગાઉ બીજી સપ્ટેમ્બરે કચ્છ એક્સપ્રેસમાંથી ૧.૧૮ લાખની મતા ભરેલી બેગ ચોરાયેલી. ૬ સપ્ટેમ્બરે ગાંધીધામ બાન્દ્રા સુપરફાસ્ટ વિકલી ટ્રેનમાંથી પ્રવાસીનો મોબાઈલ ફોન ચોરાયેલો. આ માહિતી કેવળ ગાંધીધામ રેલવે સ્ટેશનમાં નોંધાયેલી ફરિયાદોની છે.

રનિંગ ટ્રેનમાં થઈ રહેલી મોટાભાગની ફરિયાદોમાં ચોક્કસ પ્રકારની પેટર્ન જોવા મળી રહી છે. મોટાભાગના પ્રવાસીઓના માલ સામાનની ચોરી અમદાવાદથી ગાંધીધામ વચ્ચે થઈ છે.

દિપોત્સવીનું પર્વ નજીક છે ત્યારે ચોરીઓના બનાવમાં ઉછાળો આવે તેવી શક્યતા છે. પોલીસના હાથમાં આ ચોરો પકડાય ત્યારે ખરા પરંતુ પ્રવાસીઓ સતર્ક રહીને પ્રવાસ કરે તે ઈચ્છનીય છે.