પોલીસ ઈન્સ્પેક્ટર એમ.એન. દવેએ જણાવ્યું કે ગુનાના ડિટેક્શનમાં ઝડપાયેલાં આરોપીઓ પાશેરામાં પહેલી પૂણી સમાન છે. કસ્ટમે જે વેરહાઉસને સીલ કરી ચોવીસે કલાક માટે બંદૂકધારી ગાર્ડ તૈનાત કરેલાં તે હિન્દુસ્તાન સિક્યોરીટી કંપનીના સિક્યોરીટી ગાર્ડને આરોપીઓએ ફોડી નાખ્યો હતો. આરોપીઓએ વેરહાઉસની પાછલી બારીની ગ્રિલ તોડી તેમાંથી અંદર પ્રવેશી ખૂબ સિફતપૂર્વક ચોરીને અંજામ આપ્યો હતો.

અત્રે યાદ અપાવી દઈએ કે ગત ઓક્ટોબરમાં કસ્ટમે ઈમ્પોર્ટના નિયમોમાં ભંગ થયો હોવાનું જણાવી આયાતકાર કંપનીના ગોડાઉનમાં સિગારેટનો જથ્થો સીઝ કરી ગોડાઉનને સીલ મારી દીધેલું. જેમાંથી સિફતપૂર્વક સિગારેટનો જથ્થો ‘પગ’ કરી ગયો હોવાની ગત શનિવારે ફરિયાદ નોંધાઈ હતી.