આ જમીન કિશોર ચંદુલાલ મોરબીયા (રહે. તળાવશેરી, ભુજ)એ પોતાની માલિકીનો હોવાનો દાવો કરી, વિવિધ સરકારી કચેરીઓમાં ખોટાં રેકર્ડ રજૂ કરી પચાવી પાડવા પ્રયાસ કરેલો.

આ ખોટાં રેકર્ડના આધારે આરોપીએ જીતની જમીન પચાવવા પ્રયાસ કરેલો. આ બાબતે જીત ઠક્કરે ગત ઓક્ટોબર માસમાં રેન્જ આઈજી ચિરાગ કોરડીયાને અરજી કરેલી. આઈજીએ આ અરજીને એ ડિવિઝન પોલીસ મથકે મોકલી આપી ગહન તપાસ કરવા જણાવેલું. જેમાં આરોપ સાચો હોવાનું જણાઈ આવતા આજે ભુજ એ ડિવિઝન પોલીસે કિશોર મોરબીયા અને મનોજ ગોર વિરુધ્ધ ફોર્જરી સહિતની કલમો તળે ગુનો નોંધ્યો છે. જીત ઠક્કરે આપેલા પાવર ઑફ એટર્નીના આધારે ચેતન મણિલાલ ઠક્કર (રહે. સંસ્કારનગર, ભુજ)એ બેઉ સામે ઈપીકો કલમ ૪૬૫, ૪૬૭, ૪૭૧ અને ૧૧૪ હેઠળ ફરિયાદ નોંધાવી છે.