થોડાંક વર્ષોથી અબ્બાસે માધાપરની ગોકુલધામ સોસાયટી ૦૧ પાસે એ-વન ટ્યુશન ક્લાસીસ નામથી ટ્યુશન ક્લાસ શરૂ કરેલાં. જેમાં આસપાસના બાળકોને ભણાવતો હતો. છઠ્ઠા ધોરણમાં ભણતી ૧૧ વર્ષની દીકરી બપોરે ટ્યુશન ક્લાસમાં ગયેલી અને અન્ય બાળકો આવ્યાં નહોતાં.

ત્યારબાદ તેણે બનાવ અંગે ઘરે કોઈને કહીશ તો મારી નાખીશ તેવી ધમકી આપતાં દીકરી ડરી ગઈ હતી. બે કલાક સુધી ટ્યુશનમાં બેઠાં બાદ ઘરે જવા સાથે દીકરીએ માતાને બનાવ અંગે વાત કરી હતી.

આ ગુનામાં આજે ફરિયાદ પક્ષે રજૂ થયેલા સાત દસ્તાવેજી આધારો અને આઠ સાક્ષીઓ, બંને પક્ષના ધારાશાસ્ત્રીઓની દલીલો બાદ ભુજની વિશેષ પોક્સો કૉર્ટના ખાસ જજ જે.એ. ઠક્કરે અબ્બાસ મંડલને સજા ફટકારી છે. કૉર્ટે અબ્બાસને BNS કલમ ૭૫ (૧), (૧) હેઠળ ૩ વર્ષની કેદ અને ૨૫ હજાર રૂપિયા દંડ, ૩૧૫ (૩) હેઠળ ૧ વર્ષની કેદ અને ૧૦ હજાર રૂપિયા દંડ તથા પોક્સો એક્ટની કલમ ૯ (એમ) (પી) અને ૧૦ તળે ૫ વર્ષની સખ્ત કેદ અને ૫૦ હજાર રૂપિયા દંડની સજા ફટકારી છે.

આ ગુનામાં ફરિયાદ પક્ષે જિલ્લાના મુખ્ય સરકારી વકીલ એચ.બી. જાડેજાએ હાજર રહીને દલીલો કરી હતી.