મંગળવારે સવારે ૧૧ના અરસામાં તેરા ગામના કોલીવાસમાં ઝેરી સર્પ આવ્યો હોવાની સ્થાનિક રહીશોએ જાણ કરતાં હતભાગી વનરાજસિંહ જાડેજા (ઉ.વ. ૩૦) સાપને પકડવા દોડી ગયો હતો. સર્પને પકડ્યા બાદ તેને હાથમાં પકડીને રમાડવાની વનરાજસિંહને આદત હતી.

કોબ્રાના ઝેરથી વનરાજની તબિયત લથડતાં ગ્રામજનો તત્કાળ તેને ભુજ જી.કે. જનરલ હોસ્પિટલ લઈ આવ્યાં હતાં. બપોરે અઢી વાગ્યે તબીબોએ તેને મૃત્યુ પામેલો જાહેર કર્યો હતો. ગઈકાલે વનરાજ જે સર્પને પકડીને તેની સાથે રમતો હતો તે બનાવની વીડિયો ક્લિપ સોશિયલ મીડિયામાં ખૂબ વાયરલ થઈ છે.