કચ્છખબરડૉટકોમ, નલિયાઃ કચ્છના જખૌના સાગરકાંઠેથી છેલ્લાં થોડાંક દિવસોથી મોટાપાયે ચરસ અને હેરોઈન જેવા માદક દ્રવ્યોના બિનવારસી પેકેટ મળવાનો સિલસિલો ચાલું થયો છે. સુરક્ષા એજન્સીઓ રોજ સવાર પડે ને સમુદ્રકાંઠે સઘન સર્ચ ઓપરેશન હાથ ધરે છે. આજે ભારતીય નૌકાદળના મરિન કમાન્ડો, સ્ટેટ ઈન્ટેલિજન્સ બ્યૂરૉ અને જખૌ પોલીસે પીંગલેશ્વરથી જખથડા વચ્ચે હાથ ધરેલાં જોઈન્ટ સર્ચ ઓપરેશન દરમિયાન ચરસના વધુ ૨૦ પેકેટ મળ્યાં છે. ગઈકાલે ૧૧ પેકેટ મળેલાં. આમ બે દિવસમાં કુલ ૩૧ પેકેટ મળ્યાં હોવાનું જખૌ પીએસઆઈ ડામોરે જણાવ્યું છે.
સ્ફોટક નળાકાર સેલ મળતાં સૌ સતર્ક
સમુદ્રતટે જોઈન્ટ સર્ચ ઓપરેશન દરમિયાન એક નળાકાર વિસ્ફોટક સેલ મળી આવ્યો છે. આ સેલની તપાસ કરી તેને ડિફ્યુઝ કરવા નેવીએ પોરબંદરથી વિશેષજ્ઞોની ટૂકડીને બોલાવી છે. ચરસના પેકેટ સાથે વિસ્ફોટક સેલ મળતાં એજન્સીઓ સતર્ક થઈ ગઈ છે.
Share it on
|