વર્ગીઝે જણાવ્યું કે ગુજરાતના એક સોર્સ મારફતે તેમને ભુજની ગેંગનો નંબર મળ્યો હતો. આ ગેંગે એક અસલી નોટ સામે ચાર ગણી કિંમતની નકલી નોટ પધરાવવાની ઑફર કરેલી. બે માસથી વાતચીત ચાલતી હતી.

રવિવારે સાંજે સાતેક વાગ્યાના અરસામાં બે યુવકો નકલી નોટની ડિલિવરી આપવા મુંબઈના છત્રપતિ શિવાજી રેલવે ટર્મિનસ પહોંચ્યાં હતા. વર્ગીઝે આ અંગે મુંબઈ ક્રાઈમ બ્રાન્ચને આગોતરી જાણ કરી દીધેલી. પોલીસે રેલવે સ્ટેશન પર ધસી જઈ બેઉને નકલી નોટના જથ્થા સાથે ઝડપી પાડ્યાં હતાં.

ઉલ્લેખનીય છે કે, ભૂતકાળમાં ભુજમાં અસલી સામે ડબલ કે ચાર ગણી નકલી નોટ પધરાવવાના નામે છેતરપિંડીના બનાવો બહાર આવી ચૂકેલાં છે. મુંબઈ પોલીસે પણ ગત વર્ષે ઑગસ્ટ માસમાં આ જ રીતે પચાસ લાખની ચલણી નોટ લઈને મુંબઈ આવેલા ઉસ્માન સમા અને અબ્દુલ તુર્ક નામના ભુજના બે યુવકોને ખારઘર રેલવે સ્ટેશન પરથી ઝડપી પાડ્યાં હતાં.