ફેક્ટરીના સહકર્મી મિત્ર નરેશ મકવાણાએ ફેસબૂક પર RMR ઈમિગ્રેશન નામની પેઢીની જાહેરાત જોઈ હતી, જેમાં વિદેશમાં ઊંચા પગારે નોકરીની લાલચ અપાઈ હતી. નરેશ અને ભંવરલાલે લલચાઈને આ પેઢીનો ફોન પર સંપર્ક કરેલો.

બેઉ જણ ૧૫-૦૪-૨૦૨૩ના રોજ મોહાલીની ઑફિસે રૂબરૂ ગયેલાં ત્યારે ત્યાં હાજર કર્મચારીએ મેડિકલ ચેકઅપ કરાવી તે પેટે ૧૪ હજાર રૂપિયા મેળવ્યાં હતાં. ત્યારપછી માલ્ટા જવાનો ખર્ચ ૬૦ હજાર થશે તેમ કહી રૂપિયા મેળવાયાં હતાં. ત્યારબાદ પેઢીની મહિલા વકીલે જરૂરી કાગળો અને ક્લિયરન્સ વગેરેની પ્રોસિજર પેટે ટૂકડે ટૂકડે અઢી લાખ રૂપિયા મેળવ્યાં હતાં.

ગયેલાં રૂપિયા મેળવવા બેઉ મિત્રો આરોપીઓનો ફોન પર સતત સંપર્ક કરતાં રહ્યાં પરંતુ કોઈએ જવાબ આપવાની તસ્દી લીધી નહોતી. બનાવ અંગે ગાંધીધામ એ ડિવિઝન પોલીસે ઈપીકો કલમ ૪૦૬, ૪૨૦, ૧૨૦-બી તથા આઈટી એક્ટની કલમ ૬૬-ડી હેઠળ પ્રિયા ઠક્કર, પૂનમબેન, આશિષ રાજપૂત, એડવોકેટ સમીક્ષા ઠાકુર અને એડવોકેટ આકાશ માથુર નામના પાંચ લોકો વિરુધ્ધ ફરિયાદ નોંધી તપાસ હાથ ધરી છે.