અંજાર પોલીસે એક્સિડેન્ટલ ડેથ તરીકે નોંધ કરી છે. પોલીસ સૂત્રોએ જણાવ્યું કે હતભાગી દીકરી ધોરણ ૧૧માં ભણતી હતી અને અપેક્ષા મુજબ પરિણામ ના આવતાં અંતિમ પગલું ભર્યું હોવાની શક્યતા છે. મૂળ રાજસ્થાનના મારવાડના પાલીના વતની વીરેન્દ્રસિંહના પિતા નિવૃત્ત પીએસઆઈ છે. પરિવારના અન્ય સભ્યો પણ પોલીસ ખાતામાં ફરજ બજાવે છે.

ગાંધીધામની ગોસ્વામી હોસ્પિટલ પાછળ ટાટા પાવર સ્ટાન્ડર્ડ બિલ્ડીંગમાં રહેતા ૨૪ વર્ષિય યુવક કેતન રેવાભાઈ મકવાણાએ ઘરના બેડરૂમમાં ગળા પર રસ્સીના આંટા દઈ ગળેટૂંપો ખાઈ આપઘાત કરી લીધો છે. કેતન મેડિકલ સ્ટોરમાં નોકરી કરતો હતો. ગુરુવારે મોડી રાત્રે હતભાગી નોકરી પરથી ઘરે પરત ફર્યો હતો. પરિવારના અન્ય સભ્યો વતન ગયા હોઈ એકલો હતો. સવારે પરિવારજનોએ વારંવાર ફોન કર્યાં પરંતુ જવાબ ના મળતાં તેમણે કેતનના સસરા અજમલભાઈ મકવાણાને જાણ કરી ઘરે મોકલતાં બનાવ બહાર આવ્યો હતો. કેતનની લાશ બેડ પર પડી હતી અને ગળામાં વીસેક જેટલા આંટા મારેલી રસ્સી લટકતી હતી. ગાંધીધામ એ ડિવિઝન પોલીસે એડી નોંધી મૃતદેહને પેનલ પોસ્ટ મોર્ટમ માટે જામનગર મોકલ્યો છે. આપઘાતનું કારણ સ્પષ્ટ થયું નથી.

મુંદરા તાલુકાના ટપ્પરમાં ગત ૨૩ એપ્રિલના રોજ અગમ્ય કારણોસર ઝેરી જંતુનાશક દવા પીને આપઘાત કરવાનો પ્રયાસ કરનારા ૪૫ વર્ષિય હિરજી ખમુ કોલી નામના યુવકનું ભુજ જી.કે. જનરલ હોસ્પિટલમાં સારવાર દરમિયાન આજે મૃત્યુ નીપજ્યું છે. બનાવ અંગે પ્રાગપર પોલીસે તપાસ હાથ ધરી છે.