આ અંગે જાણ થતાં સામાજિક આગેવાન નવીનભાઈ ધેડા અને અંગદાન જાગૃતિ માટે અહાલેક જગાવનારાં રાષ્ટ્રીય સ્વયંસેવક સંઘના મોભી દિલીપભાઈ દેશમુખ ‘દાદા’એ હોસ્પિટલમાં જઈ સુનીલના અંગોનું દાન કરવા સ્વજનોને સલાહ-સૂચન  આપી આ ઉત્તમ દાન કરવા સમજણ આપી હતી.

હજુ બે મહિના પૂર્વે જ સુનીલના લગ્ન થયેલાં. પુત્રની અંતિમ વિદાય ટાણે પિતા વાલજીભાઈએ ભારે હૃદયે જણાવ્યું કે આ ગર્વની વાત છે, મહેશ્વરી સમાજ અને સમસ્ત માનવજાતને એ સંદેશો પહોંચે કે આ એક ઉત્તમ દાન છે. નવીન ધેડા અને દેશમુખે અંગદાનની આ ઘટનાને અદભૂત ઘટના ગણાવી ઉદગાર વ્યક્ત કર્યાં કે એક સુનીલ ભલે કાયમ માટે ગયો હોય પરંતુ તે અન્ય ચાર લોકોમાં જીવતો રહેશે.