કચ્છખબરડૉટકોમ, ભુજઃ કોંગ્રેસ પ્રમુખ રાહુલ ગાંધીએ એક ટ્વિટ કરી ગુજરાતની આરોગ્ય સેવાઓ અંગે સવાલો ઉઠાવી ભુજની જી.કે. જનરલ હોસ્પિટલ અદાણી ગૃપને સોંપી દેવા સામે કટાક્ષ કર્યો છે. કોંગ્રેસ ઉપાધ્યક્ષ રાહુલ ગાંધીએ 22 સાલોં કા હિસાબ # ગુજરાત માંગે જવાબ હેશ ટેગ સાથે હિન્દીમાં વડાપ્રધાનને 8મો સવાલ પૂછ્યો છે કે, “ગુજરાતમાં 39 ટકા બાળકો કુપોષણથી પીડાય છે. દર 1 હજાર બાળકોએ 33 નવજાત શિશુના મોત થાય છે. સારવાર મોંઘી થતી જાય છે અને ડૉક્ટરોની પણ ભારે તંગી છે. ભુજમાં ‘મિત્ર’ને 99 વર્ષ માટે આપી સરકારી હોસ્પિટલ શું આ જ છે આપની આરોગ્ય સુવિધાઓની કમાલ?” ઉલ્લેખનીય છે કે, ગઈકાલે અંજારની જાહેરસભામાં પણ રાહુલ ગાંધીએ ખેડૂતોની જમીન પડાવી લઈ સસ્તા ભાવે ઉદ્યોગપતિને વેચી મરાઈ હોવાનો આરોપ કરી વડાપ્રધાન નરેન્દ્ર મોદી જનતાના બદલે ઉદ્યોગપતિઓનું હિત જાળવતા હોવાના પ્રહારો કર્યાં હતા.
Share it on
|