કચ્છખબરડૉટકોમ, ભુજઃ માંડવી તાલુકાના નાની ખાખર ગામેથી પોલીસે 96 હજાર રૂપિયાની કિંમતનો વિદેશી શરાબનો જથ્થો ઝડપી પાડ્યો છે. જો કે, દરોડા દરમિયાન આરોપી પોલીસના હાથ લાગ્યો નહોતો. બાતમીના આધારે માંડવી પોલીસે આજે સાંજે છ વાગ્યે નાની ખાખરમાં રહેતાં જયદીપસિંહ રણજીતસિંહ ઊર્ફે રાણુભા વેલુભા જાડેજાની માલિકીના બંધ રહેણાંક મકાનમાં દરોડો પાડ્યો હતો. અહીંથી પોલીસને ભારતીય બનાવટના અંગ્રેજી શરાબની 96 હજાર રૂપિયાની કિંમતની 240 નંગ બોટલ મળી આવી હતી. જો કે, દરોડા સમયે આરોપી હાજર ન હતો. બનાવ અંગે બીદડા ઓપીના જમાદાર હરેશભાઈ ગઢવીએ આરોપી વિરૂધ્ધ નશાબંધી ધારા હેઠળ ફરિયાદ નોંધાવી તેને ઝડપી પાડવા તજવીજ હાથ ધરી છે.
Share it on
|