click here to go to advertiser's link
Total Visitors : 2519111  
       
11-Dec-2017, Monday
Home -> Kutch -> SOG west seize charcoal and wooden worth Rs 1.98 L in three different raids
Wednesday, 06-Dec-2017 - Bhuj 6490 views
કોલસાના કાળો કારોબાર પુનઃ નિશાનેઃ 3 દરોડામાં 1.98 લાખનો કોલસો-લાકડાં જપ્ત
કચ્છખબરડૉટકોમ, ભુજઃ થોડાંક સમયના વિરામ બાદ પશ્ચિમ કચ્છ પોલીસે ફરી બાવળીયા કોલસાના કાળા કારોબાર પર તવાઈ ઉતારવાનું શરૂ કર્યું છે. એસઓજીએ આજે નખત્રાણાના લુડબાય અને ભુજ તાલુકાના બુરકલ ગામની સીમમાં બે અલગ અલગ સ્થળે દરોડા પાડી કુલ 1.98 લાખની કિંમતનો 650 બોરી કોલસો અને 1700 મણ લાકડાનો જથ્થો જપ્ત કર્યો છે. બાતમીના આધારે એસઓજીએ લુડબાયની સીમમાં રેઈડ કરી 80 હજાર રૂપિયાની કિંમતનો 400 બોરી કોલસો જપ્ત કર્યો છે. કોલસાનો આ જથ્થો જમીલ રહીમદાદ જત નામના શખ્સ પાસેથી કબ્જે કરાયો હતો.

એ જ રીતે, ભુજ તાલુકાના બુરકલ ગામે એસઓજીએ દરોડો પાડી 40 હજારની કિંમતનો 200 બોરી કોલસો સાથે 200 મણ લાકડાનો જથ્થો (કિંમત રૂપિયા 8 હજાર) મળી કુલ 48 હજારનો મુદ્દામાલ કબ્જે કર્યો હતો. આ જથ્થો બુરકલના ભીયન હાજી સરૂન જતના કબ્જામાંથી મળી આવ્યો હતો. દરોડા વખતે એસઓજીએ ગામની સીમમાંથી વધુ 50 બોરી કોલસો અને 1500 મણ લાકડાનો જથ્થો મળી કુલ 70 હજારનો મુદ્દામાલ જપ્ત કર્યો હતો. આ જથ્થો બુરકલના કાસમ બુઢા જતના કબ્જામાંથી મળી આવ્યો હતો. એસઓજીએ સીઆરપીસી કલમ 102 મુજબ ત્રણેય દરોડા દરમિયાન મળી આવેલો કોલસા અને લાકડાનો જથ્થો શક પડતાં મુદ્દામાલ તરીકે કબ્જે કરી વનતંત્રને સોંપવા તજવીજ હાથ ધરી છે. ઉલ્લેખનીય છે કે, ગત ઓક્ટોબર માસના અંતિમ સપ્તાહ દરમિયાન આર.આર.સેલ અને એલસીબીએ કચ્છમાં વિવિધ સ્થળે દરોડા પાડી લાખ્ખો રૂપિયાનો કોલસો જપ્ત કર્યો હતો. 


Recent News  
રાપરના મોટી રવમાં વેપારીના ઘરમાંથી 11 લાખની રોકડની ચોરીથી ચકચાર
 
કચ્છમાં સત્તાવાર મતદાન 63.95%, 2012 કરતાં 4% ઓછું
 
તારાચંદ છેડાને લાકડીઓ સાથે ઘેરી ધાકધમકી કરાતાં ચકચાર