કચ્છખબરડૉટકોમ, ભુજઃ ચોરી અને મોબાઈલ ફોનની ચીલઝડપ કરનારાં ભુજના એક શખ્સને લોકલ ક્રાઈમ બ્રાન્ચે પકડી પાડી ત્રણેક ગુનાનો ભેદ ઉકેલ્યો છે. એલસીબીએ ભુજના ભીડનાકા બહાર  સલીયાવાળા માતમમાં રહેતાં રીયાઝ ભચુ મમણને ચોરીની મોટરસાયકલ, એક વજનકાંટા અને મોબાઈલ ફોન સાથે ઝડપી પાડ્યો છે પ્રાથમિક પૂછતાછમાં રીયાઝ કબુલ્યું છે કે, મોટર સાયકલ તેણે ગત સાતમી તારીખે સ્ટેશન રોડ પરથી ચોરી હતી. તેની પાસેથી જે વજનકાંટો મળ્યો છે તે વજનકાંટો તેણે ત્રણ-ચાર દિવસ પહેલાં ભુજની મચ્છીમાર્કેટમાં આવેલી એક દુકાનનું તાળું તોડી ચોર્યો હતો. તો, મોબાઈલ ફોન તેણે આત્મારામ સર્કલ પાસે એક હિંદીભાષી યુવક પાસેથી ઝુંટવી લીધો હતો. આરોપી પાસેથી પોલીસને છરી પણ મળી આવી છે. વિવિધ કલમો તળે એલસીબીએ રીયાઝની ધરપકડ કરી ભુજ એ ડિવિઝન પોલીસ મથકે ફરિયાદ નોંધાવી છે.